За больш як 70 гадоў творчасці Яўген Ціхановіч (1911-2005) стварыў дзясяткі жывапісных і сотні графічных твораў. Ягоныя сведчанні, датычныя мастацкай культуры, асабовых характарыстык калег, насамрэч унікальныя, бо ахопліваюць лёсы некалькіх пакаленняў творцаў, запачаткаваўшых класічнае мастацтва Беларусі. Асаблівую вартасць мае частка мемуараў, прысвечаная сям’і Уладзіслава Галубка,зяцем якога быў мастак, і перыяду нямецкай акупацыі, ва ўмовах якой давялося яму жыць.
Гэтае выданне адрасавана гісторыкам мастацтва і тэатра, мастацтвазнаўцам, а таксама ўсім, каму цікавыя мастацтва і гісторыя Беларусі ХХ стагоддзя.
