Аляксандр Быкаў — об авторе

Быкаў Аляксандр нарадзіўся 7 верасня 1954 года ў Барысаве. Скончыў факультэт журналістыкі Беларускага дзяржаўнага ўніверсітэта. Працаваў на розных пасадах у рэгіянальным друку (шматтыражная газета «Трыбуна» завода БАТЭ, Барысаўская аб’яднаная газета «Адзінства», газета Мядзельскага раёна «Нарачанская зара»).

Аўтар паэтычных зборнікаў: «Кветка папараць», «Пад небам бусліным», «Главные слова», «За межы круга», «І тым не менш», «Барысаўскі тракт», «Дні гаючага лета», кнігі гумару «Пегас на сотках» і кнігі прозы «Бабуліны макі». Лаўрэат Рэспубліканскай літаратурнай прэміі «Залаты Купідон» і Мінскай абласной прэміі ў галіне літаратуры. Жыве ў горадзе Мядзел Мінскай вобласці.