Равшан Аюпов – лучшие книги

Diqqatingizga havola etilayotgan ushbu o'quv qo'llanma raqamli iqtisodiyot sohasiga va uning infratuzilmasini tavsiflashga bag'ishlangan. Unda raqamli iqtisodiyotning asosi bo'lgan muammolar bilan bog'liq masalalar, raqamli iqtisodiyotga o'tish mexanizmi, kriptografiyaning muhim elementi bo'lgan xeshlashtirish funktsiyalari haqida bir qancha ma'lumotlar berilgan. Undan so'ng, kriptografiyadan raqamli valyutalarga o'tish mantiqi, kriptovalyutalarning asosiy turlari va ularning xossalari bayon etilgan. Turli hildagi loyihalarga investitsiyalar jalb qilish uchun ishlatiladigan ICO haqida tushuncha va uning mohiyati ko'rsatilgan. O'quv qo'llanma oxirida kriptovalyutalar bo'yicha bir qancha savollarga javoblar va glossariy berilganki, ular yordamida bu sohani yanada chuqurroq o'rganish mumkin bo'ladi. Qo'llanma oliy ta'limning bakalavr va magistr mutahassisliklarida ta'lim olayotgan talabalarga tavsiya etilib, shu yo'nalishda tadqiqot ishlari olib borayotgan bank-moliya va ilmiy xodimlarga hamda kriptovalyuta sohasidagi innovatsiyalar bilan qiziqqan barcha tadbirkorlik sub'ektlari foydalanishi uchun mo'ljallangan.

E'tiboringizga havola etilayotga ushbu monografiya hozirgi paytda tezkorlik bilan rivojlanayotgan va bir qancha shov-shuvlarga sabab bo'layotgan raqamli texnologiyalar sohasiga va uning infratuzilmasini tavsiflashga bag'ishlangan. Unda raqamli texnologiyalarning asosi bo'lgan muammolar bilan bog'liq masalalar, raqamli iqtisodiyotga o'tish mexanizmi, kriptografiyadan raqamli valyutalarga o'tish mantiqi, kriptovalyutalarning asosiy turlari va ularning xossalari bayon etilgan. Turli hildagi loyihalarga investitsiyalar jalb qilish uchun ishlatiladigan ICO haqida tushuncha va uning mohiyatlari ko'rsatilgan. Monografiyada raqamli texnologiyalar bo'yicha bir qancha muhim ma'lumotlar, shu jumladan, bulutli texnologiylar, buyumlar interneti, sun'iy intellekt, zamonaviy moliyaviy texnologiyalar kabilar ham bu soha bo'yicha glossariy berilganki, ular yordamida bu sohani yanada chuqurroq o'rganish mumkin bo'ladi. Ushbu monografiya oliy ta'limning bakalavriat va magistratura mutaxassisliklarida ta'lim olayotgan talabalarga tavsiya etilib, shu yo'nalishda tadqiqot ishlari olib borayotgan ilmiy xodimlar va professor-o'qituvchilarga hamda raqamli texnologiyalar sohasidagi innovatsiyalar bilan qiziqqan barcha tadbirkorlik sub'yektlari foydalanishi uchun mo'ljallangan.

Ushbu kitob hozirgi paytda tezkorlik bilan rivojlanayotgan raqamli valyutalar sohasiga bag'ishlangan. Unda raqamli valyuta bozorining asosi bo'lgan kriptografiya va kriptoanaliz hamda kritovalyutalarning turlari va rivojlanishi masalalari ko'rib chiqilgan. Kitob oliy ta'limning bakalavr va magistr mutaxasisslarida ta'lim olayotgan talabalarga, ilmiy hodimlarga hamda bu sohada ishlayotgan tadbirkorlik sub'ektlariga mo'ljallangan.

Ushbu kitob kichik biznes va tadbirkorlikda innovatsion iqtisodni tarkib topdirish yo'nalishlarini va bu bilan bog'liq bo'lgan ijtimoiy-iqtisodiy jarayonlarni innovatsyalar nuqtainazaridan tadqiq qilish hamda shu asosda mamlakatimizda innovatsion rivojlanish jarayonini ilmiy asosda shakllantirish uchun zaruriy bo'lgan amaliy tavsiyalarni bayon qilishga bag'ishlangan. Kitob oliy ta'limning bakalavriyat va magistr mutaxassisliklari bo'yicha ta'lim olayotgan talabalarga, shu yo'nalishda tadqiqot ishkari olib borayotgan ilmiy hodimlarga va innovatsiyalar bilan qiziqqan barcha kichik biznes ba tadbirkorlik sub'ektlariga foydalanish uchun mo'ljallangan.

Ushbu qo'llanma Interfaol ta'lim usullaridan bir qanchasini tavsiflahsga bag'ishlanib, o'qituvchilarning ish faoliyatida asqotishi mumkin. Undan tashqari, bu kitob o'quvchi talabalar uchun bilim jarayonini faollashtirish uchun o'ziga hos qo'llanma ham bo'lishi mumkin.