Последние издания книг Николая Павловича Лобана

Аднатомнік Міколы Лобана (1911–1984) пачынаецца з рамана «На парозе будучыні». У ім — драматычныя падзеі Першай сусветнай вайны, прыход савецкай улады ў палескую вёску, барацьба сялянства за свае правы. Вельмі зацікавяць чытача жывыя ўспаміны пісьменніка і асабліва яго дзённікі, якія ён вёў з першага дня вайны з нямецка-фашысцкімі захопнікамі як яе ўдзельнік. Восемдзесят пяты том кніжнага праекта «Беларускі кнігазбор».

У рамане «Гарадок Устронь» у асяродку ўвагі пісьменніка вобразы ўжо вядомых па рамане «На парозе будучыні» трох братоў Шэметаў. На фоне падзей рэвалюцыі, грамадзянскай вайны і калектывізацыі вёскі і ў непасрэднай сувязі з імі разгортваюцца складаныя, поўныя драматызму жыццёвыя шляхі герояў. У кожнага з іх свой характар, свой лёс, свае радасці і пакуты, свае адносіны да сацыяльных праблем.

Раман «На парозе будучыні» — твор пра лёс людзей, якія юнакамі сустрэлі рэвалюцыю. У рамане аўтар паказвае першыя крокі ў свядомым жыцці трох братоў, сыноў панскага лесніка Якава Шэмета, у рэвалюцыйныя гады.

Гэта трэцяя кніга аднайменнай трылогіі. Чытач зноў сустрэнецца з братамі Шэметамі — героямі папярэдніх раманаў «На парозе будучыні» і «Гарадок Устронь».
У гэтым творы характары Шэметаў, іх погляды і воля правяраюцца суровымі выпрабаваннямі вайны.

Романы «Земля моя — судьба моя» (на белорусском — «На парозе будучыні») и «Городок Устронь» — это две книги задуманной автором трилогии «Шеметы». В них повествуется о событиях и людях кануна Октябрьской революции и первых дней советской власти в белорусской деревне («Земля моя — судьба моя)» и о борьбе коммунистов за перестройку деревни в годы первых пятилеток («Городок Устронь»).

У рамане «На парозе будучыні» праз вобразы трох пакаленняў Шэметаў пісьменнік паказвае рост рэвалюцыйнай свядомасці сялянскіх мас.
Дзед, адданы панскі служака, ляснік Ілья Шэмет быў забіты абуранымі сялянамі; знявечаны кулакамі бацька, Якаў Шэмет, знаходзіць смерць пад калёсамі панскай карэты; меншы яго сын Лукаш, ад голаду і нястачы ўцякае з дому і ператвараецца ў бадзягу. Усё гэта адбываецца на вачах Лукашовага брата — Андрэя. Настаўніцу Раечку Барташэвіч, якую так любіў Андрэй, звёз казацкі есаул і пакінуў сярод дарогі. Юнак быў сведкам таго, як ад куль белабандытаў гінулі лепшыя людзі рэўкома. У такіх умовах гартаваўся характар Андрэя.
«На парозе будучыні» — адзін з трох задуманых аўтарам раманаў аб жыцці і лёсе людзей таго пакалення, якое прайшло праз агонь рэвалюцыі, грамадзянскай вайны і наступных выпрабаванняў палавіны нашага стагоддзя.