Последние издания книг Зоськи Верас

Ва ўспамінах Зоські Верас (Людвіка Сівіцкая; 1892-1991) раскрываецца шырокая панарама жыцця ў міжваеннай Вільні, даюцца партрэты выбітных людзей, якіх яна ведала асабіста (М. Багдановіч, А. Смоліч, Г. Леўчык, Л. Родзевіч і інш.). Яе лісты — фактычна працяг успамінаў, у іх таксама адлюстраваны падзеі і постаці айчыннай гісторыі ХХ стагоддзя. Гэтым выданнем працягваецца публікацыя творчай спадчыны пісьменніцы, распачатая ў кнізе «Я помню ўсё: успаміны, лісты» («Гарадзенская бібліятэка», 2013).

Гэта – самае поўнае выданне твораў беларускай пісьменніцы і грамадска-культурнай дзяячкі Зоські Верас (1892–1991). Аднатомнік склалі яе вершы, апавяданні, артыкулы, успаміны, лісты, а таксама беларуска-польска-расейска-лацінскі батанічны слоўнік. Зоська Верас была ў самым цэнтры беларускага нацыянальнага руху першай чвэрці мінулага стагоддзя і вельмі цікава пра гэта ўспамінае. Восемдзесят трэці том кніжнага праекта «Беларускі кнігазбор».

Выданьне прымеркаванае да 120-х угодкаў Зоські Верас (Людвікі Сівіцкай; 1892-1991) – пісьменніцы, лексыкографа, перакладчыцы, асьветніцы, грамадскай дзеячкі. У аднатомавіку без купюраў друкуюцца яе ўспаміны і 386 лістоў (367 – упершыню), адрасаваных яе гарадзенскім карэспандэнтам.