Яраслаў Пархута — последние издания книг

У асобе Яраслава Пархуты (1930—1996) шчасліва злучыліся якасці, якія лічацца несумяшчальнымі: з аднаго боку – краязнаўца, публіцыст, прывязаны да фактаў, да канкрэтыкі, а з другога боку – вытанчаны паэт-імпрэсіяніст, падрабязны летапісец прыроды, майстар пейзажу. І ўсё гэта арганічна сплятаецца ў адным творы, у адной кнізе, нават у адным сказе. Кніга «Сонечныя борці» знаёміць з найлепшымі мастацкімі творамі пісьменніка: дакументальнай аповесцю пра «палескага рабінзона», чалавека складанага лёсу, які пражыў у пушчы сорак гадоў, і непаўторнымі лірычнымі, філасофскімі навеламі.

Памерці ад голаду і холаду ці стаць вечным вязнем ГУЛАГа? Утапіцца ў дрыгве альбо цягнуць лямку раба? Аддаць сябе разарваць зграі ваўкоў ці здацца органам улады? Як выжыць у нечалавечых умовах і захаваць у сабе Чалавека? Аб гэтым аповесць Яраслава Пархуты «Адзінец», дзе распавядаецца пра цяжкія выпрабаванні, што выпалі на долю Івана Бушылы, жыхара Брэстчыны, змушанага пражыць у лесе ў поўнай адзіноце доўгія сорак два гады. Згаданы твор уваходзіць у новую кнігу пісьменніка, асноўны лейтматыў якой — роздум аб трагічным лёсе беларускага сялянства. Гэта — кніга-споведзь, кніга-дакумент, кніга-апраўданне, кніга-абвінавачванне.

Пра сівую даўніну і сённяшні дзень роднай зямлі, пра яе самыя унікальныя мясціны, пра непаўторную прыроду Беларусі, праблемы экалогіі, а таксама пра клопаты людзей у наш трывожны і скаданы час расказвае ў сваёй кнізе-эсэ пісьменник Яраслаў Пархута.
Разлічана на шырокае кола чытачоў.