Інэса Кур'ян — об авторе

На гэтую кнігу маю ўвагу звярнула калега, калі я спытала, што класнага з беларускай літаратуры яна прачытала апошнім часам. Праўда, было гэта амаль год таму, а да кнігі я дабралася толькі цяпер. Твор існуе выключна ў электронным выглядзе. Выходзіў асобнымі часткамі ў ЖЖ аўтаркі, а таксама цэлай кнігай з’явіўся ў продажы на kniharnia.by. У 2018 годзе кніга патрапіла ў поўны спіс намінантаў на Прэмію Гедройца, але далей не прайшла. Твор мае падзагаловак “гарадскі раманс”, а ўнутры разварочваецца нешта вельмі незвычайнае і своеасаблівае. Ёсць гераіня, жыхарка сталіцы, якую завуць Шыншыла. Дзівосы кнігі распачынаюцца ўжо ў імені галоўнай гераіні :) Мы не ведаем, колькі ёй гадоў, атрымліваем кароткія апісанні знешнасці на працягу ўсёй кнігі. І ўвесь час яна шукае загадкавую штуку, якая…

Вельмі спадабаўся гэты твор. Крыху псіхадэлічны і, часам, не зусім зразумелы, але яскравы, энергічны, насычаны. Недзе чытала, што аўтар - філолаг па прафесіі. Гэта моцна адчуваецца ў тэксце, я атрымала асалоду ад гульні гукаў, словаў, нават цэлых сказаў. Не памятаю, каб сустракала нешта падобнае у іншых творах. Кніга - пра Мінск. Таму рэкамендую гэты твор усім, хто любіць гэты горад.