Маргарита Латышкевич — новинки

У свеце Вугеры спяваюць чароўныя камяні ў прошчах і плятуцца спракаветныя чары. Тут замкі і рыцары, прыўкрасныя князёўны ды старадаўнія легенды, падобныя да сненняў. Але што здарыцца, калі сны стануць кашмарамі, спеў ахоўных камянёў перарвецца, а з цёмных куткоў да чалавечых сялібаў папаўзуць пачвары?.. Донай, прыёмны сын аднаго з уладароў княства, нават падумаць не мог, што апынецца на раздарожжы паміж светам людзей і не-людзей. Ці знойдзе ён у сабе моцы стаць тым, кім хочуць яго бачыць, хто патрэбны людзям? І ці зможа ён нарэшце парушыць заклён і стаць самім сабой?

Новая кніга з серыі «Сучасная беларуская літаратура» сабрала апавяданні маладых пісьменнікаў. Невялікія творы спалучаюць традыцыйны жанр з новымі нечаканымі формамі самавыяўлення — кожны аўтар дэманструе свой унікальны погляд на сучаснасць. Апавяданні ў прафесійным агучванні можна праслухаць з дапамогай QR-кодаў.

Адрасуецца шырокаму колу чытачоў.

Проза ў майскім нумары прадстаўлена апавяданнямі Маргарыты Латышкевіч, Кацярыны Назаравай, Вікторыі Сінюк, Сяргея Белаяра, Жанны Міус, Наталлі Ніканчук. Усе аўтары – маладыя па ўзросце празаікі, якія сур’ёзна займаюцца літаратурнай творчасцю, лаўрэаты айчынных літаратурных конкурсаў. Сярод паэтаў нумара – Міхал Бараноўскі, Андрэй Кімбар, Васіль Зуёнак, Людка Сільнова. З літаратурным дэбютам віншуем паэтку Вольгу Друшчыц! Таксама ў нумары матэрыялы круглага стала «Мастацтва і штучны інтэлект». У размове прынялі ўдзел прадстаўнікі Міністэрства культуры Беларусі і Саюза пісьменнікаў, мастакі, пісьменнікі і рэдактары, спецыяліст па…

Гальяш ленив и болтлив, но он хороший человек. Всё, что он делает, делается исключительно с добрыми намерениями. Вот только результаты почему-то оставляют желать лучшего.
Всё меняется, когда мальчик знакомится с волшебными существами и получает в подарок лисиный перстенек, обладающий магической силой. Гальяша ждут приключения. Ему предстоит многому научиться и узнать, что даже магические умения требуют большого труда и усердия, а в каждое настоящее дело обязательно нужно вкладывать душу.
Для среднего школьного возраста.

Зборнік склалі апавяданні дваццаці пяці маладых беларускіх празаікаў: як пачынаючых, так і тых, хто ўжо зрабіў упэўненыя крокі ў літаратуры. Фантастычны свет, свет чалавечых пачуццяў і ўзаемаадносін, сучаснасці і гістарычнага мінулага — абсяг тэм кнігі вельмі шырокі. Разнастайная і палітра аўтарскіх стыляў: ад следавання класічным канонам да мадэрновага, падкрэслена сучаснага гучання.

Над чароўным горадам Котсвілем плывуць планёры і дырыжаблі! А жыхары горада рыхтуюцца да Вялікай выставы. Маленькія кацяняты Муры і Том чакаюць дамоў свайго тату, капітана самаага цудоўнага з усіх дырыжабляў. Але тата затрымліваецца! Што ж сталася з камандай паветранага судна? І якое дачыненне да гэтага мае Егіпецкая зала Вялікай выставы? Далучыцеся да Коткінсаў у іх даследаванні — і сутыкніцеся са старажытнымі чарамі з далёкіх краін!

Гальяш ленив и болтлив, но он хороший человек. Всё, что он делает, делается исключительно с добрыми намерениями. Вот только результаты почему-то оставляют желать лучшего.

Всё меняется, когда мальчик знакомится с волшебными существами и получает в подарок Лисиный перстенек, обладающий магической силой. Гальяша ждут приключения. Ему предстоит многому научиться и узнать, что даже магические умения требуют большого труда и усердия, а в каждое настоящее дело обязательно нужно вкладывать душу.

Аповесць «Уласны крыж» — прыгодніцкі дэтэктыў пра пошукі старадаўняга артэфакта. Журналіст Зініч прыязджае ў старажытны Полацк на запрашэнне ўніверсітэцкага сябра, што ўблытаўся ў амаль крымінальныя справы. Якія таямніцы хавае архіў экспедыцыі БелАН на Полаччыну і дзе адшукаць сапраўдны ключ ад Мудрасці? Якія за- гадкі схаваныя ў лёхах пад былой езуіцкай акадэміяй? I ці атрымаецца, апантана вышукваючы старадаўні артэфакт, проста выжыць?
Міфалагічнае фэнтэзі «Трыснёг пад ветрам» падхоплівае тэму зага- дак і росшукаў. Экспедыцыя з трох чалавек выпраўляецца ў загадкавы горны край. Што чакае свайго часу ў старых шахтах? Ці праўдзівыя по- казкі пра гэтыя мясціны? I якую сілу маюць над людзьмі іхнія сны — нават на яве?

Гэта кніга вершаў. І прозы. Бо, напэўна, у жыцці так і бывае: вершы мяшаюцца з прозай, праўда з выдумкай, радасць з сумам. З драбочкаў успамінаў выкладзена каляровая мазаіка — вершамі і сціслымі празаічнымі замалёўкамі. Можа быць, асобныя драбочкі прыгадаеце як нешта сваё, перажытае. Можа быць, у асобных пазнаеце сябе. А можа, і не. Тэксты тут — быццам дзверы кватэр у шматпавярховіку. За кожнай — свая гісторыя. Нечы дом.

Што адбываецца з гераінямі легендаў пасля шчаслівага фіналу? Зрэшты, які фінал увогуле можна назваць “шчаслівым”?
Ільга, адужаўшы вогненнага цмока, два гады пражыла пры княжым двары ў славе ды пашане – але ўсе два гады ёй чагосьці не ставала. Чагосьці, што ўнікала памяці.
Свет Вугеры, вялікай ракі, спавіты магутнымі каменнымі чарамі і здаўна хавае шмат таямніцаў. Магчыма, у Ільгі атрымаецца адшукаць адказы і вярнуць аднойчы забытае.
А значыць, перад дзяўчынай-воем – новае падарожжа.

У кнізе пад адной вокладкай сабраныя самыя розныя творы. Тут ёсць і кароткія апавяданні, ад гумарыстычных і іранічных да сумных і кранальных. Тут ёсць і аповесці-фэнтэзі, заснаваныя на беларускай міфалогіі, на ператрактоўцы народных казак.

У гэтым зборніку прадстаўлены апавяданні і нарысы маладой беларускай пісьменніцы Маргарыты Латышкевіч. Розныя па танальнасці, ад пранізліва-кранальных да адкрыта гумарыстычных і сатырычных, яны ўсе аб’яднаныя ў досыць цэласны цыкл назіранняў за жыццём. Творы аднародныя і стылёва: аўтар акцэнтуе ўвагу чытача на асобных яркіх дэталях, на ўласны манер пераасэнсоўваючы і пераствараючы падзеі рэчаіснасці.

У дзівосным свеце аповесцей фэнтэзі Маргарыты Латышкевіч ажываюць легенды, спяваюць рунічныя камяні і нараджаюцца чары. Народ Курганова Поля – паэты, ведзьмары, ваяры – процістаяць людзям. Але ці настолькі адрозныя народ Курганоў і чалавечыя сыны?..
Верасовыя пусткі напаўняюцца музыкай ветру, магія пранізвае час і прастору. Вершнікі ўжо на шляху…