Последние издания книг Михася Стрельцова

Дадзенае выданне працягвае новы кнiжны праект „Народная бібліятэка“. Народная таму, што змест кнiг складаюць творы, якія прапануюць уключыць самі чытачы: гэта ў тым ліку такія хрэстаматыйныя аповесці і апавяданні як “Адзін лапаць, адзін чунь”, “Смаленне вепрука”, “Загадка Багдановіча”, “Сена на асфальце”, “На чацвёртым годзе вайны”, а таксама вершы са зборнікаў “Ядлоўцавы куст”, “Цень ад вясла”, “Мой свеце ясны”.

У кнігу класіка беларускай літаратуры Міхася Стральцова (1937—1987) увайшлі яго лепшыя празаічныя творы.

Міхась Стральцоў (1937-1987) - аўтар знакамітых «Сена на асфальце» і «Смалення вепрука», раптам перастаў пісаць прозу, але зрабіўся адным з найлепшых беларускіх паэтаў, без якіх сёння цяжка ўявіць айчынную літаратуру. Парадаксальнасць і спавядальнасць, «дзіцячая» шчырасць захаплення і «дарослая» трагічная іронія, пільная ўвага да жыцця і глыбокая абазнанасць у культуры - усё згаданае пазначае «пячаткай майстра» стральцоўскія вершы, сабраныя ў гэтай кнізе.

У кнігу класіка беларускай літаратуры Міхася Стральцова (1937—1987) ўвайшло 100 лепшых вершаў з яго багатай літаратурнай спадчыны. Гэтай кнігай распачынаецца новая выдавецкая серыя «100 вершаў».

Крытык Алесь Адамовіч назваў талент пісьменніка, лаўрэата Дзяржаўнай прэміі Беларусі імя Янкі Купалы М. Стральцова (1937–1987) «акрыленым высокай культурай думкі і пачуцця». Кнігу выбранага склалі класічная проза («Смаленне вепрука», «Загадка Багдановіча», «Адзін лапаць, адзін чунь»), а таксама артыкулы і эсэ пра тое сапраўднае, што своечасова заўважаў у беларускай літаратуры М. Стральцоў. Упершыню сабрана тут і эпісталярная спадчына пісьменніка.
Восемдзесят другі том кніжнага праекта «Беларускі кнігазбор».

Міхась Стральцоў, якога называюць пісьменнікам па прызванні і псіхолагам па натуры, неверагодна ўзбагаціў айчыннае прыгожае пісьменства. Ён праявіў сябе тонкім псіхолагам, знаўцам побыту вёскі і горада. Узнёсла і разважліва аналізаваў майстэрства Ф. Багушэвіча, Я. Купалы, Я. Коласа, М. Багдановіча, Ц. Гартнага і іншых. У кнігу яго выбраных твораў увайшлі эсэ «Загадка Багдановіча» і апавяданні «Смаленне вепрука», «Сена на асфальце», «Свет Іванавіч, былы донжуан».

У кнігу прозы вядомага беларускага пісьменніка, лаўрэата Дзяржаўнай прэміі Беларусі імя Янкі Купалы Міхася Стральцова ўвайшлі лепшыя апавяданні розных гадоў, аповесці “Адзін лапаць, адзін чунь”, “Загадка Багдановіча”, эсэ.

Чытача беларускага і ўсесаюзнага прыцягвае шматграннасць таленту Міхася Стральцова. Празаік, паэт, эсэіст, даследчык імклівай плыні роднай і ўсесаюзнай літаратуры заўсёды ў пошуку, заўсёды ў клопатах пра заўтрашні дзень нашага слова.
У кнігу выбранага ўвайшлі апвяданні, аповесці «Адзін лапаць, адзін чунь», «Загадка Багдановіча», вершы са зборнікаў «Ядлоўцавы куст», «Цень ад вясла», «Мой свеце ясны», літаратурна-крытычныя эсэ.

Вядомы беларускі празаік, эсэіст, паэт, крытык М. Стральцоў вядзе гаворку пра ідэйна-мастацкі змест пісьменніцкага пошуку, пра традыцыі і наватарства, пра творчасць як лінію паводзін асобы, беручы за ўзор творчую спадчыну Я. Купалы, Зм. Бядулі, М. Гарэцкага, К. Чорнага, У. Хадыкі, а таксама творчасць пісьменнікаў-сучаснікаў Я. Бры­ля, П. Панчанкі, А. Вялюгіна, Р. Барадуліна і інш.

Новая кніга Міхася Стральцова. Вершы. Гэта пра тое, што ў кожнага на душы, што можа выказаць толькі слова ўзважанае, выверанае, пачутае з першых вуснаў інтуіцыі. Пачуццё ў лірыцы паэта ўзвышана-канкрэтнае, аўтар не хоча змушаць яго гаварыць няшчыра. Прырода з лірыцы Міхася Стральцова не абражана словам, а толькі названа так, што яна жыве, дыхае, спрыяе чалавеку.

Аннотации нет. Сборник рассказов белорусского писателя Михася Стрельцова (1937-1987). Писатель исследует психологию человека села в условиях индустриализации и в городской среде. Для его стиля характерны лирическая интонация и пластическая образность.

У кнізе разглядаецца творчасць Я. Коласа, М. Гарэцкага, К. Чорнага, Ул. Дубоўкі, Я. Брыля, А. Куляшова, П. Панчанкі, робіцца спроба вызначыць адзінства мастацкага стылю пісьменніка, зыходзячы з сукупнасці як біяграфічнага, так і сацыяльна-гістарычнага, светапогляднага фактараў. Форма выкладання сціслая. Мастацкая вобразнасць спалучаецца з дакладнасцю літаратуразнаўчага аналізу.

"Ядолўцавы куст" - паэтычны дэбют Міхася Стральцова, якога чытач раней ведаў як празаіка і крытыка.