Іван Карэнда — новинки

«Нельга хацець «проста на спатканне», на спатканне хочуць з канкрэтным чалавекам». Лера Гілеўская стала пераможцам конкурсу апавяданняў «Маладосці» з творам «Адэкалонны тытунь». Ці варта цалкам злучаць лірычную гераіню з аўтаркай — на суд чытачоў. Маладая пісьменніца словамі Юлі разважае аб творчасці, сяброўстве, каханні, супярэчлівасці пачуццяў, эмоцый і паводзін, з імі звязаных. Цікавымі бачацца вобразы, створаныя не толькі праз знешнія рысы, але найперш праз тое, што мы ўспрымаем органамі нюху. Звярніце ўвагу: тое, што грамадствам канвенцыйна асуджаецца, — тытунь, цыгарэты — выклікае больш прыемныя асацыяцыі ў сувязі з асобай…

Кніга прозы Івана Карэнды «Воплаўская госця» ўключае ў сябе аднайменную аповесць, апавяданні, нататкі пісьменніка, аб’яднаныя адной тэмай—адлюстраваннем жыццёвых інтарэсаў і духоўных памкненняў нашага сучасніка.
У цэнтры аповесці — сельская школа з яе клопатамі і праблемамі, якія закранаюць і педагогаў і дзяцей, і дарослых вяскоўцаў. У жыцці галоўнага героя — настаўніка Сцяпана Лоўдача — шчаслівыя дні змяняюцца трагічнымі, сустрэчы з людзьмі і радуюць, і засмучаюць. Але ён знаходзіць у сабе душэўныя сілы нават тады, калі абставіны ламаюць яго асабісты лёс і вымушаюць змяніць прафесію.